Эрүүл мэндийн даатгалын үндэсний зөвлөлөөс ЭМД-ын сангаас олгох санхүүжилтийн чиглэлээр хэрэгжиж байгаа журам, тогтоолд өөрчлөлт оруулсан. Энэхүү шинэчлэлтэй холбогдуулан ЭМДЕГ хууль тогтоомжийг хэрэгжүүлэх чиг үүргийн хүрээнд гарсан шийдвэрүүдийн талаар танилцуулах ойлголт мэдээлэл өгөх, мэргэжил арга зүйгээр хангах сургалтыг хөдөө орон нутагт бүсчилсэн хэлбэрээр зохион байгуулж байгаа.
Энэ хүрээнд ЭМДЕГ-ын дарга Л.Бямбасүрэнгээр ахлуулсан газар, хэлтсийн дарга, ДЭМБ-ын зөвлөхүүд хамтран 8-р сарын турш 21 аймаг хоёр дүүргийн эрүүл мэндийн даатгалын нэгжүүд, эрүүл мэндийн байгууллагуудыг баруун, төв, зүүн бүсэд хуваан баруун, төвийн бүсийн сургалтыг амжилттай зохион байгуулсан билээ.
Өнөөдөр ийнхүү орон нутгийн эрүүл мэндийн байгууллагуудыг чадавхжуулах сургалтад зүүн бүсийн аймгуудыг хамруулан Хэнтий аймагт эхэлж байна.
Гурван өдрийн турш зохион байгуулагдах сургалтад Хэнтий, Дундговь, Сүхбаатар, Дорнод, Өмнөговь, Налайх, Багануур дүүргийн Эрүүл мэндийн даатгалын хэлтсийн албан хаагч, мөн Хэнтий аймгийн Эрүүл мэндийн газар,Өрхийн эрүүл мэндийн төв, сум, тосгоны эрүүл мэндийн төв, нэгдсэн эмнэлгийн төлөөллүүд зэрэг 200 гаруй хүн хамрагдана.
Эхний өдрийн сургалтад зүүн бүсийн аймаг, дүүргийн эрүүл мэндийн даатгалын хэлтсийн удирдлага, албан хаагчид хамрагдаж байгаа бөгөөд доорх сэдвийн хүрээнд суралцаж байна.
Бүх нийтийн эрүүл мэндийн хамралтад хүрэх эрүүл мэндийн салбарын санхүүжилтийн шинэчлэл, түүний хэрэгжилт
Лавлагаа шатлалын ЭМБ-аас эрүүл мэндийн тусламж, үйлчилгээ худалдан авах бодлого, зарчим, үр дүн, хэрэгжилтэд анхаарах асуудлууд
- Тусламж, үйлчилгээний багц
- Төлбөрийн арга
- Чанар, төлбөрийн хяналт
- Сонгон шалгаруулалт, гэрээлэлт
- Цахим систем
Санхүүжилт, тайлагнал
ЭМД-ын сангаас хөнгөлттэй олгох эмийн бодлого, зарчим, үр дүн, хэрэгжилтэд анхаарах асуудлууд
- Хөнгөлөлттэй эмийн багц
- Хөнгөлөлтэй олгох эмийн хяналт
- Эмийн сангуудтай гэрээлэх зарчим
Цахим систем
Анхан шатны ЭМБ-аас эрүүл мэндийн тусламж, үйлчилгээ худалдан авах бодлого, зарчим, үр дүн, хэрэгжилтэд анхаарах асуудлууд
- Тусламж, үйлчилгээний багц
- Төлбөрийн арга
- Чанар, төлбөрийн хяналт
- Сонгон шалгаруулалт, гэрээлэлт
- Цахим систем
“Эрүүл мэндийн даатгалтай холбоотой эрх зүйн баримт бичгийг олон нийтэд сурталчилан таниулах” нь
НҮБ-ын Хүүхдийн сангийн дэмжлэгтэйгээр ЭМДEГ-аас зохион байгуулж буй энэхүү сургалт маргааш буюу энэ сарын 5-нд үргэлжилж, Хэнтий аймгийн Эрүүл мэндийн газар, Өрхийн эрүүл мэндийн төв, Сум тосгоны эрүүл мэндийн төвийн төлөөллийг хамруулна.
